Bandaríkin auðveldlega í úrslitaleikinn
Mynd 1 af 5
Leikmenn liðanna tókust aðeins á í leikslok eftir að stórsigur Bandaríkjanna var í höfn.
AFP
Mynd 2 af 5
James Harden og Klay Thompson fagna stigum í leiknum.
AFP
Mynd 3 af 5
DeMarcus Cousins og Jonas Valanciunas í baráttunni í kvöld.
AFP
Mynd 4 af 5
Litháar voru vel studdir í leiknum í kvöld og þökkuðu fyrir stuðninginn.
AFP
Mynd 5 af 5
Brasilíumennirnir í knattspyrnuliði Barcelona, Dani Alves og Neymar, voru á leiknum í kvöld og smelltu af sér sjálfsmynd.
AFP
Setja bókamerki
Litháen reyndist ekki nein fyrirstaða fyrir Bandaríkin í undanúrslitum HM karla í körfuknattleik á Spáni í kvöld en Bandaríkjamenn unnu 28 stiga sigur, 96:68. Þeir mæta Frakklandi eða Serbíu í úrslitaleiknum.
Litháen hélt í við Bandaríkin í fyrri hálfleik en staðan að honum loknum var 43:35. Í þriðja leikhluta stungu Bandaríkin hins vegar af, unnu hann 33:14, og eftir það var aldrei spurning hvernig færi.
Kyrie Irving, leikmaður Cleveland Cavaliers, var stigahæstur í jöfnu liði Bandaríkjanna með 18 stig en hann átti auk þess 4 stoðsendingar. Klay Thompson og James Harden skoruðu 16 stig hvor.
Litháen fékk brons á síðasta HM og getur endurtekið leikinn í leiknum um 3. sætið á laugardaginn, gegn tapliðinu í leik Frakklands og Serbíu á morgun.
„Það er skiljanlegt að þolinmæði þeirra sé lítil“
Kveðst tala af virðingu: „Ég er enginn dóni“
„Þögnin er ærandi“
Kvikan virðist nú skiptast til helminga
Mikil skjálftavirkni á landinu áhyggjuefni
Aukin tíðni þungunarrofa hjá yngsta aldurshópnum
Stóraukið fé til samgöngusáttmála