Aðeins tveir leikir fóru fram í NBA-deildinni í körfuknattleik í nótt þar sem LA Clippers og Sacramento fögnuðu sigrum.
Clippers hafði betur gegn Miami, 110:93, á heimavelli sínum. Chris Paul og Blake Griffin voru með 26 stig hvor fyrir LA Clippers en hjá Miami var Chris Bosh með 28 stig en þetta var fjórði tapleikur Miami í síðustu fimm leikjum.
Sacramento bar sigurorð af Chicago, 103:88. DeMarcus Cousins var með 22 stig og 14 fráköst í liði Sacramento en hjá Chicago, sem tapaði sínum fyrsta leik á útivelli, var Jimmy Butler með 23 stig. Chicago lék án þeirra Paus Gasols og Derricks Rose, sem báðir eru meiddir.