Stefan Bonneau átti algjöran stórleik fyrir Njarðvík í kvöld þegar liðið vann Tindastóll í framlengdum leik í Dominos-deildinni í körfubolta, 107:99. Varnartilburðir hans vöktu ekki síður athygli.
Bonneau skoraði 44 stig í leiknum, tók 9 fráköst og átti 8 stoðsendingar. Hann lét líka til sín taka í vörninni eins og myndbandið hér að neðan sýnir þar sem Bonneau eltir uppi Viðar Ágústsson og ver skot hans með tilþrifum. Sjón er sögu ríkari en myndbandið má einnig sjá á vef SportTV sem sýndi leikinn í beinni útsendingu.