Jakob Örn Sigurðarson og liðsfélagar hans í Borås sigruðu Sundsvall 104:88 í sænsku úrvalsdeildinni í körfubolta í kvöld.
Það var hart barist í kvöld en Hlynur Bæringsson leikur með Sundsvall. Þeir voru báðir atkvæðamiklir í kvöld en Jakob var með 14 stig, 4 fráköst og 1 stoðsendingu á meðan Hlynur var með 16 stig, 6 fráköst og 1 stoðsendingu.
Borås tókst að komast upp fyrir Sundsvall með sigrinum en liðið er í 4. sæti með 28 stig á meðan Sundsvall er í 5. sæti með jafnmörg stig.