Real Madrid í góðri stöðu

Jón Arnór Stefánsson.
Jón Arnór Stefánsson. AFP

Real Madrid er komið í 2:0 í einvíginu við Jón Arnór Stefánsson og félaga í Valencia í undanúrslitaeinvígi liðanna í baráttunni um spænska meistaratitilinn eftir sigur á heimavelli í kvöld, 97:88.

Jón Arnór lék í tæpar 17 mínútur í kvöld og skoraði 5 stig. Þriðji leikur liðanna fer fram í Valencia á þriðjudagskvöldið en þrjá sigra þarf til að komast í úrslitin.

Barcelona er 1:0 yfir gegn Laboral Kutxa í hinu einvíginu og liðin mætast öðru sinni á morgun.

mbl.is
Fleira áhugavert
Fleira áhugavert