Íslenska karlalandsliðið í körfuknattleik skipað leikmönnum 18 ára og yngri tapaði naumlega 61:59 fyrir Tékklandi í öðrum leik liðsins í riðlakeppni B-deildar Evrópumótsins í Skopje í Makedóníu í dag.
Ingvi Þór Guðmundsson, leikmaður Grindavíkur, var stigahæstur í íslenska liðinu með 16 stig, en hann tók auk þess sjö fráköst og gaf fjórar stoðsendingar. Adam Eiður Ásgeirsson, leikmaður Njarðvíkur, kom næstur með 14 stig
Ísland bar sigur úr býtum gegn Lúxemborg í fyrsta leik liðsins í gær. Næsti leikur Íslands er á morgun þegar liðið tekur á móti Danmörku, en auk fyrrgreindra liða eru Eistland og Holland í C-riðli mótsins.