Martin Hermannsson hefur verið valinn í fimm manna úrvalslið lokaumferðar undankeppni EM karla í körfubolta.
Þetta er í annað sinn í undankeppninni sem Martin hlýtur þennan heiður, en hann átti frábæran leik í sigrinum góða á Belgíu í laugardalshöll í gær, þegar Ísland tryggði sér aftur sæti í lokakeppni EM. Þar skoraði Martin 18 stig, átti 5 stoðsendingar og tók 3 fráköst.
Auk þess sem Martin hefur nú tvívegis verið í úrvalsliði umferðar í undankeppninni var Hlynur Bæringsson í liði næstsíðustu umferðarinnar eftir frammistöðu sína gegn Kýpur á miðvikudagskvöld.
FIBA #EuroBasket2017 Qualifiers Gameday 6 Top Performer: @M1keD1xonJR, @hermannsson15, Stylianou, Gomes and @zaza27 pic.twitter.com/EbURmsM71A
— FIBA (@FIBA) September 18, 2016