Haukar urðu í dag annað liðið til að tryggja sér sæti í undanúrslitum Maltbikars kvenna í körfubolta með 71:63 sigri á Breiðabliki í Kópavogi.
Breiðablik er í 2. sæti í 1. deildinni á meðan Haukar eru í næstneðsta sæti Dominos-deildarinnar.
1. deildar liðið lét Haukana heldur betur hafa fyrir sigrinum. Haukar byrjuðu þó töluvert betur og höfðu 38:19 forystu í hálfleik.
Það ber að hrósa Blikunum sem komu til baka í seinni hálfleik og að lokum munaði aðeins átta stigum á liðunum.
Sóllilja Bjarnadóttir skoraði 20 stig fyrir Breiðablik og Þóra Kristín Jónsdóttir 17 fyrir Hauka.