San Antonio Spurs er ekki vant því að tapa tveimur leikjum í röð í NBA-deildinni og engin breyting varð á því í nótt.
Eftir tap í síðasta leik hafði SA Spurs betur gegn Indiana, 110:106, en liðið hefur aðeins tvisvar sinnum á tímabilinu tapað tveimur leikjum i röð. Kawhi Leonard skoraði 32 stig fyrir SA Spurs og LaMarcus Aldridge var með 19. Paul George var stigahæstur í liði Indiana með 27 stig.
Washington Wizards átti ekki í erfiðleikjum með að leggja Oklahoma Thunder að velli en liðið vann 22 stiga sigur, 120:98. Markieff Morris var atkvæðamestur í liði Washington með 23 stig og John Wall var með 15 en Washington náði mest 34 stiga forystu í leiknum. Russell Westbrook náði sér ekki á strik í liði Oklahoma og skoraði aðeins 17 stig sem þykir lítið á þeim bæ.
Denver skellti Golden State, 132:110, þar sem Juan Hernangomez skoraði 27 stig fyrir Denver en Kevin Durtant var með 27 fyrir Oklahoma.
Úrslitin í nótt:
Charlotte - Philadelphia 99:105
Mimai - Orlando 107:116
Milwaukee - Detroit 102:89
Dallas - Boston 98:111
Utah - LA Clippers 72:88
Indiana - SA Spurs 106:110
Brooklyn Nets - Memphis 103:112
Washington - Oklahoma 120:98
Phoenix - New Orleans 118:110
Denver - Golden State 132:110
Portland - Atlanta 104:109 framl.