LeBron James og Kyrie Irving skoruðu 25 stig hvor fyrir meistara Cleveland þegar þeir lögðu Minnesota Timberwolves, 116:108, í NBA-deildinni í körfuknattleik í nótt.
LeBron var einnig með 14 stoðsendingar fyrir Cleveland, sem vann sinn 38. leik á tímabilinu. Andrew Wiggins var allt í öllu í liði Minnesota en hann skoraði 41 stig og Karl-Anthony Towns var með 26.
Jimmy Butler sneri til baka í lið Chicago eftir meiðsli og skoraði 19 stig í sigri liðsins gegn Toronto Raptors en Doug McDermott var stigahæstur í liði Chicago með 20 stig. Kyle Lowry skoraði 22 stig fyrir Toronto sem hefur nú tapað 11 af síðustu 15 leikjum sínum.
Úrslitin í nótt:
Chicago - Toronto 105:94
LA Lakers - Sacramento 96:97
Minnesota - Cleveland 108:116