Ragna Margrét Brynjarsdóttir, landsliðskona og lykilmaður í liði Stjörnunnar, missti af síðustu tveimur leikjum liðsins í Dominos-deildinni í körfubolta vegna liðþófameiðsla í hné.
Í samtali við Morgunblaðið kvaðst hún hins vegar reikna með því að spila í úrslitakeppninni strax frá fyrsta leik undanúrslitaeinvígisins við Snæfell næstkomandi þriðjudag.
Ragna Margrét er atkvæðamesti Íslendingurinn í liði Stjörnunnar og skoraði í deildinni í vetur 13,9 stig að meðaltali í leik og tók 9,3 fráköst.