Stjörnunar í Oklahoma fara illa af stað
Setja bókamerki
Oklaoma City Thunder fer illa af stað í bandaríska NBA körfuboltanum. Liðið fékk þá Paul George og Carmelo Anthony til liðs við sig fyrir leiktíðina og ætlaði sér stóra hluti. Oklahoma hefur hins vegar tapað tveimur af fyrstu þremur leikjum sínum. Oklahoma fékk heimsókn frá Minnesota Timberwolves í nótt og varð að gera sér að góðu að tapa 115:113.
Russel Westbrook átti góðan leik eins og venjulega, skoraði 31 stig og gaf 10 stoðsendingar en það var ekki nóg. Hjá Minnesota skuðu Andrew Wiggins og Karl-Anthony Towns 27 stig hvor.
Brooklyn Nets vann sinn annan sigur er liðið lagði Atlanta Hawks á heimavelli, 116:104 og New Orleans Pelicans vann sinn fyrsta sigur er liðið lagði Lakers á útivelli, 119:112. Lakers var með 108:103-forystu þegar skammt var eftir en New Orleans var betra á lokasprettinum.
Úrslit næturinnar í NBA:
Atlanta Hawks - Brooklin Nets 104:116
Oklahoma City Thunder - Minnesota Timberwolves 113:115
La Lakers - New Orleans Pelicans 112:119
Veiting hvalveiðileyfis ekki brot á EES-samningi
Vélsleðaslys: Þyrlan kölluð út á mesta forgangi
„Á réttri leið en nokkuð í land ennþá“
Skar höfuðleðrið af íslenskri konu
Handteknir eftir myndatöku í Vesturbæjarlaug
Verðbólgan komin niður í 6%
Árshátíð ríkislögreglustjóra haldin í Tékklandi