Vinstra hnéð að angra Arnar

Arnar Grétarsson. mbl.is/Kristinn Ingvarsson

  Arnar Grétarsson, miðjumaðurinn margreyndi í liði Breiðabliks, þurfti að yfirgefa völlinn þegar Blikar léku gegn ÍBV í gærkvöldi. Arnar fór haltrandi af velli strax á 32. mínútu.

„Ég er búinn að vera frekar slæmur í vinstra hnénu. Fékk högg á það á síðustu æfingunni fyrir leikinn gegn Þrótti. Við létum hins vegar á það reyna þá og það gekk vel. Hins vegar gekk það ekki eins vel hérna í Eyjum þannig að við ákváðum bara að hvíla mig. Ég veit ekki almennilega hvað þetta er, en það er eins og hnéð haldi ekki eins vel og áður,“ sagði Arnar.