Erna skoraði þrennu í stórsigri Breiðabliks

Breiðablik vann góðan sigur á portúgalska liðinu 1. desember,4:0, í undankeppni Evrópukeppni félagsliða, en leikið er í Austurríki. Erna B. Sigurðardóttir skoraði þrennu fyrir Blikastúlkur og varamaðurinn Elín Anna Steinarsdóttir skoraði eitt mark skömmu fyrir leikslok. Þetta var fyrsti leikur liðsins í riðlinum en það mætir austurríska liðinu SV Neulengbach á fimmtudaginn.