Margrét skoraði 6 mörk í stórsigri Vals

Einn leikur fór fram í Landsbankadeild kvenna í kvöld þar sem að Valur vann stórsigur á ÍR, 10:0, og skoraði Margrét Lára Viðarsdóttir 6 mörk í leiknum. Guðný Björk Óðinsdóttir skoraði tvívegis fyrir Val en Vanja Stefanovic skoraði eitt mark líkt og Dóra María Lárusdóttir. Staðan í hálfleik var 2:0.

Valur hefur leikið 9 leiki og er liðið efst í deildinni með 25 stig en KR á leik til góða og er liðið með 22 stig. ÍR er í 7. sæti með 4 stig en Fylkir og Þór/KA er í tveimur neðstu sætunum.