Bakfallslykkja á mótorcrosshjóli
Hafþór fer í bakfallslykkjuna. Myndin er tekin úr myndskeiði á YouTube.
Hafþóri Grant tókst síðasta laugardag að fara í bakfallslykkju eða backflip á mótorhjóli sínu á Akureyri. Þetta er fyrsta staðfesta bakfallslykkjan sem gerð hefur verið á Íslandi.
Fimmtán ára félaga hans í Kappakstursklúbbi Akureyrar, KKA, mistókst hins vegar að framkvæma hið sama og brotnaði á báðum fótum í gærkvöldi.
Hafþóri tókst ætlun sín í annarri tilraun á
svæði félagsins við Glerá. Áður en Hafþór lagði af stað sagði hann að hann stefndi á að gera þetta í þremur tilraunum. Þetta má lesa á vef KKA.
Að sögn kunnugra mun það ekki á færi margra að fara í heljarstökk aftur á bak á mótorcrosshjólum.
Sjá má myndband af bakfallslykkju Hafþórs á YouTube.
