Ég reikna ekki með því að íþróttaáhugamaður geti orðið neitt annað en undrandi þegar hann sér afrekin sem unnin eru á Ólympíumóti fatlaðra, Paralympics, í fyrsta skipti.
Með miklum ólíkindum er hversu mikilli færni maðurinn getur náð í hreyfigetu þrátt fyrir ýmsar líkamlegar hömlur og hindranir. Nokkuð sem maður hefurheyrt talað um áður en þegar maður hefur fylgst með mörgum greinum í návígi þá nær maður betur utan um þetta sjálfur.
Í kringum Paralympics hafa oft og tíðum heyrst hástemmdar lýsingar á borð við sigur mannsandans og þess háttar. Þegar að er gáð þá er ekki verið að skjóta yfir markið með slíkum lýsingum. Íþróttafólkið á leikunum er akkúrat vitnisburður um það.
Íþróttafréttamaður Morgunblaðsins og mbl.is hefur fylgst með Ólympíumóti fatlaðra í Ríó að undanförnu og er hægt að lesa viðhorfsgrein hans um mótið og keppendur í heild sinni íþróttablaði Morgunblaðsins í dag.