Eyþóra sló í gegn

Eyþóra Þórsdóttir, íslenska fimleikakonan sem keppir fyrir Holland, sló svo sannarleg í gegn í fimleikakeppni WOW Reykjavik International Games í Laugardalshöll um helgina. Ekki aðeins sigraði hún í keppninni heldur átti hún líka hug og hjörtu áhorfenda sem fögnuðu henni ákaft. Á meðfylgjandi myndum má sjá glæsilegar æfingar Eyþóru á jafnvægisslá sem var það áhald sem hún náði bestum árangri á um helgina.