Fræðslunefnd félagsins er farin á fullt og hnýtingarkvöldin hafin.  Kvöldin hafa notið mikilla vinsælda og leiðbeinandi er sem fyrr hinn magnaði Sigurður Pálsson. Þessir skemmtilegu viðburðir standa félagsmönnum SVFR opnir og er velkomið að taka með sér gesti.  Hnýtt verður í húsakynnum SVFR að Rafstöðvarvegi í Elliðaárdal, og hefjast kvöldin stundvíslega  klukkan 19.30.  Kvöldin verða sem hér segir eftirtalda fimmtudaga: 7.3., 21.3., 4.4., 18.4., 2.5. og 16.5.  Allir áhugasamir stangaveiðimenn eru hvattir til þess að mæta. Hér er kjörinn vettvangur fyrir vana sem óvana að koma saman, hnýta flugur og spjalla. Allt efni er á staðnum og einnig þau tæki sem þarf til hnýtinganna.