Norðurá er komin á fljúgandi siglingu og aflatölurnar í morgun staðfestu það þegar morgunvaktin skilaði 50 löxum á land.
Mikið af laxi er að ganga í ána sem er í frábæru vatni, sem aftur veldur því að laxinn fer nokkuð hratt upp ána en hann er þó ekki kominn í miklum mæli efst á dalinn en við skulum nú ekki örvænta því það er ekki kominn júlí ennþá! Allar árnar á Borgarfjarðarsvæðinu eru að eiga frábæra daga og veiðin núna er heilt yfir um 60& meiri en á sama tíma og í fyrra. Það er alveg óhætt að fagna þessu því toppurinn á göngunum er ekki fyrr en á stóra júlístraumnum og þangað til verða göngurnar vonandi jafnar og góðar. Góðar aflatölur síðustu daga hafa heldur betur hleypt lífi í veiðileyfamarkaðinn en þegar vefsölurnar eru skoðaðar eru bestu dagarnir sem voru lausir fyrir stuttu allir að seljast.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |