Fyrstu laxarnir sem veiddust í Soginu komu upp úr svæðinu sem nefnist Alviðra og loksins eru fréttir af ferðum laxa á Bíldsfelli.
Jón Ingi Kristjánsson sem margir veiðimenn þekkja úr Vesturröst var við veiðar á miðvikudaginn á Bíldsfelli en það svæði þekkir hann ákaflega vel. Hann setti í 5 laxa en tökurnar voru mjög grannar og þessir laxar sluppu líklega fegins hendi frá þeim hildarleik. Sogið fer venjulega ekki í gang fyrr en fyrstu dagana í júlí þannig að þetta veit á gott ef laxinn er mættur upp eftir svona snemma. Veiðimenn sem voru á ferð upp á Laugarvatn stoppuðu við brúnna yfir Sogið og sáu töluvert af laxi stökkva á Breiðunni ofan við brúnna og nokkra þeirra væna. Líklega var þetta ganga á leiðinni upp úr en engin veiðimaður var við bakkann þegar þetta gekk yfir. Sá sem hefði staðið þarna hefði líklega gert góða veiði.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |