Veiði | mbl | 10.7.2014 | 23:43 | Uppfært 11.7.2014 9:51

Enn vatnavextir í Hafralónsá

Ómar Gunnarson með einn stórlax á sem átti svo í litlum erfiðleikum með að rjúka út í beljandann og slíta sig lausan. Jón Þór Geirsson

Hópur veiðimanna eyddi heilli viku við veiðar í Hafralónsá nú í byrjun júlí, en margir þeirra hafa veitt þarna á þessum tíma um margra ára skeið. Að sögn Erlings Ingvasonar sem var í þessum hópi var áin enn gríðarlega vatnsmikil og nánast óveiðandi nema rétt síðasta daginn. Náðu þeir þó ellefu löxum á þurrt þessa viku og misstu að auki nokkra stóra sem áttu í litlum erfiðleikum með að rjúka út í vatnsflauminn og segja þar með bless. Hinn fjórða júlí óx meira í ánni og fór meðal annars hólminn fyrir neðan veiðihúsið á kaf. Fram kom hjá Marinó Jóhannssyni bónda í Tunguseli að hann hefði aldrei hafa séð ána jafnvatnsmikla á þessum árstíma, en hann kvaðst muna allt til ársins 1948. Komnir eru 25 laxar á land samkvæmt veiðibók.

Erling Ingvason tannlæknir gerir sig líklegan til að losa um þríkrækju í eyra veiðimanns. Jón Þór Geirsson

Ekki fer á milli mála samkvæmt þessari mynd að mikið vatn er í Hafralónsá. Jón Þór Geirsson

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
101 cm	Vatnsdalsá	Erlendur veiðimaður	29. september 29.9.
101 cm	Eystri-Rangá	Grzegorz Loszewski	27. september 27.9.
105 cm	Hvítá við Iðu	Katrín Tanja Davíðsdóttir	24. september 24.9.
101 cm	Víðidalsá	Jón Eðvald Halldórsson	22. september 22.9.
107 cm	Grímsá	Jón Jónsson	22. september 22.9.
101 cm	Miðfjarðará	Agnar Sigurjónsson	22. september 22.9.
101 cm	Hvítá við Iðu	Gunnar Pétursson	20. september 20.9.