Veiði | mbl | 22.7.2014 | 15:15 | Uppfært 23.7.2014 8:40

Líka gott á Nesi í Aðaldal

Klaus Frimor með 101 cm sem hann veiddi í Vitaðsgjafa í gær. Krauni

Veiði hefur verið góð á Nessvæðinu í Laxá í Aðaldal það sem af er sumri. Þar hefur verið nokkuð áberandi danskt þema undanfarið því Danir hafi verið iðnir við kolann þar í sumar. Klaus Frimor hefur landað hverjum stórfiskinum á fætur öðrum það sem af er sumri og í gær landaði hann 101 cm úr Vitaðsgjafa. Í morgun var svo annar danskur stórveiðimaður, Nils Folmer Jörgensen, þar á veiðum, en hann kallar Nessvæðið „on/off“-veiðisvæði. Í morgun brá svo við að allt var stillt á „on“ og landaði hann sex löxum allt upp í 96 cm. Nils kvaðst hins vegar hafa verið í Nesi fyrir stuttu og þá hafi allt verið stillt á „off““ en í morgun brá svo við að bullandi líf var alls staðar. Hann kvaðst í morgun hafa notað flugurnar Jock Scott og Green Collie Bitch hnýttar á Mustad-tvíkrækjur. Alls var15 löxum landað þar í gær.

Nils með lax frá því í morgun úr Höfðahyl.

Veiðimaður glímir við stórlax að Nesi sem sleit svo skömmu síðar. Klaus Frimor

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
101 cm	Vatnsdalsá	Erlendur veiðimaður	29. september 29.9.
101 cm	Eystri-Rangá	Grzegorz Loszewski	27. september 27.9.
105 cm	Hvítá við Iðu	Katrín Tanja Davíðsdóttir	24. september 24.9.
101 cm	Víðidalsá	Jón Eðvald Halldórsson	22. september 22.9.
107 cm	Grímsá	Jón Jónsson	22. september 22.9.
101 cm	Miðfjarðará	Agnar Sigurjónsson	22. september 22.9.
101 cm	Hvítá við Iðu	Gunnar Pétursson	20. september 20.9.