Hnúðlax veiddist í silunganet í innanverðum Fossfirði í Arnarfirði í gær en heimkynni hans eru í Kyrrahafi. Þetta kemur fram í frétt á vef Bæjarins besta.
Talið er að tegundin hafi borist í Atlantshaf með fiskrækt í norður Rússlandi um miðja síðustu öld. Laxinn veiddu tveir nemar, Niklas Karbowski og Chelsey M. Landry, sem stunda meistaranám í haf- og strandsvæðastjórnun við Háskólasetur Vestfjarða. Netaveiði á silungi er stunduð til að rannsaka göngusilung, ásamt magni og dreifinu á laxalús í Ísafjarðardjúpi og Arnarfirði.
Fremur óalgengt er að hnúðlax veiðist hér við land. Það gerist þó oftar en margan grunar. Þessi veiði á Hnúðlax staðfestir hinsvegar að lax ferðast víða og ekki er ósennilegt að einstaka villtur norskur lax berist í íslenskar ár,“ segir Jón Örn Pálsson þróunarstjóri Fjarðalax, sem aðstoðar nemendur í gagnsöfnun.
Sjá ítarlega frétt um málið á vef Bæjarins besta.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |