Nessvæðið í Laxá í Aðaldal opnaði á hádegi í dag og var fjórum löxum landað á fyrstu vakt, en veitt er á 6 stangir.
Samkvæmt veiðimönnum sem staddir eru á svæðinu er talsvert af laxi á svæðinu. Í samtali við Jóhann Þorbjörnsson landaði hann tveimur löxum, einni 90 sentímetra hrygnu úr Vitaðsgjafa og öðrum af Kirkjuhólmabroti. Sagði hann að á Hólmavaðsstíflu hefði hann reist ítrekað hvern laxinn á fætur öðrum sem aldrei náðu að festa sig.
Þá fengu þeir Elvar Örn Friðriksson og Bjarni Júlíusson tvo, einn úr Vitaðsgjafa og annan af Skriðuflúð. Sögðust þeir hafa veitt sex staði og urðu varir við talsvert af laxi á fjórum þeirra. Vitað var allavega um aðra tvo laxa sem sluppu. Samkvæmt þessu er talsvert að laxi á svæðinu, en fyrir nokkrum dögum veiddu landeigendur aðeins á svæðinu og var þá nokkrum löxum landað.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |