Veiði | mbl | 30.6.2015 | 21:27 | Uppfært 22:07

Ágætur gangur í Blöndu

Stórlax úr Svarthyl á svæði 2 í Blöndu. lax-a.is

Samkvæmt fréttum frá stangveiðifélaginu Lax-á, sem eru leigutakar af Blöndu, þá er mjög góð veiði á svæði eitt sem er fyrir neðan svokallaðar Ennisflúðir, skammt fyrir ofan Blönduós.

Greint er frá því að ágætlega gangur hafi verið undanfarið og nú sé smálaxinn farinn að sýna sig í auknu mæli á svæði eitt. Í gær var 21 laxi landað og 19 í fyrradag en veitt er á fjórar stangir á svæðinu sem þýðir fimm laxar á hverja dagstöng. Þetta er líklega besta veiðin í laxveiðiá á landinu sem stendur. Stórlax er enn í miklum meirihluta í afla veiðimanna þó svo smálaxinn sé að byrjaður að ganga í nokkru mæli.

Þá er sagt frá því að efri svæðin í ánni séu líka farin að gefa eitthvað og veiðast nú fiskar á öllum svæðum. Fram kemur að léleg ástundun hafi verið á efri svæðunum frá upphafi veiðitímabils en þrátt fyrir það hafa komið nokkrir laxar á land á öllum svæðum. Félagarnir Sverrir Rúnarsson og Sigurjón Rúnarsson fengu til dæmis góða veiði fyrir nokkru í Svarthyl á svæði tvö þegar þeir náðu sitthvorum 91 og 96 sentímetra drekunum.

Fram kemur því að eitthvað kropp hafi verið í Hallá sem er skammt suður af Skagaströnd og eru nokkrir laxar komnir þar á land. Einn veiðimaður fór fyrir nokkru með léttar græjur í ósinn til að reyna við silung setti í tvo ágæta laxa sem slitu báðir og kvöddu með silungafluguna í kjaftinum.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
101 cm	Vatnsdalsá	Erlendur veiðimaður	29. september 29.9.
101 cm	Eystri-Rangá	Grzegorz Loszewski	27. september 27.9.
105 cm	Hvítá við Iðu	Katrín Tanja Davíðsdóttir	24. september 24.9.
101 cm	Víðidalsá	Jón Eðvald Halldórsson	22. september 22.9.
107 cm	Grímsá	Jón Jónsson	22. september 22.9.
101 cm	Miðfjarðará	Agnar Sigurjónsson	22. september 22.9.
101 cm	Hvítá við Iðu	Gunnar Pétursson	20. september 20.9.