Sagt er frá góðri veiði í Gufuá í Borgarfirði inn á veiðivefnum veiða.is.
Fram kemur að Gylfi Jón Gylfason hafi verið við veiðar í ánni í gær og í dag, ásamt þremur öðrum og hafi þeir félagar náð á land þessa tvo daga samtals 12 löxum og misstu að minnsta kosti annað eins.
Tóku þeir laxanna bæði á maðk og flugu og þeir veiðistaðir sem voru að gefa aflann voru frá 0 og uppí veiðistað númer 10. Margir laxana voru lúsugir og urðu þeir varir við töluvert af laxi að ganga upp ána á meðan þeir dvöldu við þar.
Gufuá rennur til sjávar í ósa Hvítár í Borgarfirði og gætir sjávarfalla í sjö neðstu veiðistöðum árinnar. Er áin veidd með tveimur stöngum.
Talsvert af laxi virðist núna vera að ganga í Borgarfirði og bárust fréttir af því fyrr í kvöld að 30 löxum hafi verið landað á morgunvaktinni í Norðurá og holl í Kjarrá var komið með 30 laxa eftir einn dag. Þá hafa borist fréttir af aukinni laxagegnd í Langá þar sem veiði hefur verið treg fram að þessu.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |