Veiði | mbl | 6.7.2015 | 0:21 | Uppfært 0:40

Fínn gangur í Víðidalsá

Glímt við 90 sm lax í Víðidalsá fyrir nokkrum dögum síðan. Nils Folmer

Ágætur gangur er í Víðidalsá í Húnavatnssýslu og eru 80 laxar komnir á land eftir 10 daga veiði.

Veiðimenn í Víðidal eins og á mörgum öðrum stöðum á landinu hafa þurft að glíma við mikið vatn síðan veiði hófst þann 24. júní og hefur áin skolast talsvert suma daga.

Ennþá er megnið af veiðinni velhaldinn stórlax, en síðustu daga hafa menn orðið varir við smálaxa. Hollið sem hafði veitt í tvo daga í hádeginu í dag var komið með 20 laxa á land. Á sama tíma fyrir ári voru 52 laxar komnir á land.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
101 cm	Vatnsdalsá	Erlendur veiðimaður	29. september 29.9.
101 cm	Eystri-Rangá	Grzegorz Loszewski	27. september 27.9.
105 cm	Hvítá við Iðu	Katrín Tanja Davíðsdóttir	24. september 24.9.
101 cm	Víðidalsá	Jón Eðvald Halldórsson	22. september 22.9.
107 cm	Grímsá	Jón Jónsson	22. september 22.9.
101 cm	Miðfjarðará	Agnar Sigurjónsson	22. september 22.9.
101 cm	Hvítá við Iðu	Gunnar Pétursson	20. september 20.9.