Laxveiði lokið í Vatnsdalsá

Lokað var fyrir veiði á laxasvæði Vatnsdalsár í Húnaþingi undir lok september.

Samkvæmt upplýsingum frá leigutaka þá veiddust samtals 1296 laxar á laxasvæði árinnar.  Enn á efir að gera upp veiðitölur á silungasvæðinu og viðbúið að eitthvað talsvert hafi veiðst af laxi þar sem hækkað gæti lokatöluna.

Leigutakar halda úti rafrænni veiðibók á sérstökum vef fyrir ánna og þar kemur fram að meðallengd á veiddum laxi var rétt um 70 cm sem gerir um 3,6 kíló á þyngdina samkvæmt kvarða Veiðimálastofnunar. 

Vatnsdalsá er þekkt fyrir stórlaxa enda var hápunktur sumarsins þegar Sturla Birgisson veiddi 112 cm hæng í Hnausastreng þann 8. ágúst sem er 13,8 kíló samkvæmt fyrrgreindum þyngdarkvarða. 

Laxinn veiddi Sturla á eins tommu sunray shadow túpu og reyndist strærsti lax sem veiddist á landinu í sumar.

• Blogga um frétt

Seinustu hundraðkallar sumarsins