Veiði | mbl | 29.10.2015 | 22:38 | Uppfært 22:56

Lokatölur úr Rangánum.

99 cm hængur sem veiddist þann 15. september sl. í Stallmýrarfljóti, á svæði 4, í Ytri Rangá. FB/westranga

Síðasti veiðidagur í Ytri og Eystri Rangá var þann 20. október. Var þriðja besta veiði frá upphafi í Ytri ánni, en fremur róleg í þeirri eystri miðað við oft áður.

Samtals voru skráðir í Ytri Rangá 8803 laxar og var því aflahæsta laxveiðiá landsins, en sumarið 2014 veiddust þar 3063. Alls er veitt á 20 dagstangir í ánni og eru tvær stangir á hverju svæði. Skiptingin eftir svæðum var eftirfarandi:

Svæði 1 506 laxar
Svæði 2 1.419 laxar
Svæði 3 1.735 laxar
Svæði 4 1.240 laxar
Svæði 5 127 laxar
Svæði 6 995 laxar
Svæði 7 1.449 laxar
Svæði 8 918 laxar
Svæði 9 173 laxar
Á vesturbakka Hólsár, þar sem Eystri og Ytri Rangá sameinast, veiddust svo 240 laxar.

Í Eystri Rangá veiddust samtals 2.749 laxar í sumar sem er áþekk veiði og sumarið áður þegar að þar veiddust 2.529. Í Þverá i Fljótshlíð veiddust í 281 lax á móti 166 sumrinu áður. Þá var lokatalan í Affallinu í Landeyjum 558 laxar, en voru 386 árið 2014.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
101 cm	Vatnsdalsá	Erlendur veiðimaður	29. september 29.9.
101 cm	Eystri-Rangá	Grzegorz Loszewski	27. september 27.9.
105 cm	Hvítá við Iðu	Katrín Tanja Davíðsdóttir	24. september 24.9.
101 cm	Víðidalsá	Jón Eðvald Halldórsson	22. september 22.9.
107 cm	Grímsá	Jón Jónsson	22. september 22.9.
101 cm	Miðfjarðará	Agnar Sigurjónsson	22. september 22.9.
101 cm	Hvítá við Iðu	Gunnar Pétursson	20. september 20.9.