Veiði | mbl | 9.11.2015 | 18:34 | Uppfært 20:10

Hreggnasi annast sölu á haustveiðinni í Hofsá

Frá svokölluðum Neðri Fosshyl, efst í Hofsárdal. Pálmi Einarsson

Fram kemur í tilkynningu frá veiðifélaginu Hreggnasa fyrr í dag að félagið hafi tryggt sér sölurétt á veiðileyfum í haustveiðinni í Hofsá í Vopnafirði næstu þrjú árin.

Mun félagið annast sölu á öllum veiðidögum í ánni í september. Veiðifélagið Strengur hefur ána á leigu ásamt Selá, og mun annast sölu á öðrum veiðidögum. Hofsá er fornfræg veiðiá og þekkt fyrir stóra laxa og halda þeir sem veiða í henni yfirleitt mikilli tryggð við hana.

Meðalveiði í Hofsá frá 1974 hefur verið nálægt 1.200 löxum á sumri, en veitt er á sjö stangir í ánni. Veiðin í Hofsá hefur verið fremur döpur síðustu tvö ár, gaf einungis 515 laxa síðastliðið sumar og var sumarið 2014 litlu skárra þegar þar veiddust 657 laxar.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
101 cm	Vatnsdalsá	Erlendur veiðimaður	29. september 29.9.
101 cm	Eystri-Rangá	Grzegorz Loszewski	27. september 27.9.
105 cm	Hvítá við Iðu	Katrín Tanja Davíðsdóttir	24. september 24.9.
101 cm	Víðidalsá	Jón Eðvald Halldórsson	22. september 22.9.
107 cm	Grímsá	Jón Jónsson	22. september 22.9.
101 cm	Miðfjarðará	Agnar Sigurjónsson	22. september 22.9.
101 cm	Hvítá við Iðu	Gunnar Pétursson	20. september 20.9.