Að sögn Dúa J. Landmark hjá Skotveiðifélagi Íslands þá heyrist honum almennt á veiðimönnum, sem hann er í sambandi við, að rjúpnaveiðarnar í ár hafi gengið þokkalega vel og mun betur en í fyrra.
Dúi sagði að aðalskýringin á þessu væri sú að skilyrði til veiða hefðu verið mun hagstæðari á þessu tímabili en í fyrra. Þá var mjög rysjótt tíð flestar þær helgar sem veiðimönnum stóð til boða að fara til veiða, en við þær aðstæður er erfitt að nálgast rjúpuna og hún mun styggari.
Sagði Dúi að flestum þeim veiðimönnum sem hann hefði heyrt í síðustu daga hefði heilt yfir gengið þokkalega vel við veiðarnar og margir þegar komnir með nóg fyrir jólahátíðina. Einhverjir eiga þó eftir eftir ná sér í nokkra fugla og hafa þá næstu helgi upp á að hlaupa, en þá er síðasta helgin sem leyfilegt er að veiða rjúpu á þessu tímabili.
Veiði er þó misjöfn á milli landshluta og eins og venjulega virðist sem Norðausturlandið komi hvað best út.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |