Inn á vef Veiðimálastofnunar er greint frá nýlegri grein um rannsókn á uppruna og lífssögu 186 laxa sem veiddust á Íslandsmiðum sem meðafli í makrílveiðum í íslenskri fiskveiðilögsögu árin 2007 til 2010. Greinin er birt í vísindaritinu ICES Journal of Marine Science og þar kemur fram að við rannsóknina hafi verið nýttur gagnagrunnur um erfðir laxastofna í 284 evrópskum ám til að greina með erfðatækni uppruna laxa í veiðinni.
Í ljós kom að 68% sýnanna voru rakin til suðursvæðis Evrópu (meginland Evrópu og Bretlandseyjar), 30% voru frá norðurhluta Evrópu (Skandínavía og Rússland) en einungis 2% laxana voru frá Íslandi.
Þetta þykir sýna fram á að hafsvæðin suður og austur af Íslandi séu mikilvæg beitarsvæði fyrir Atlantshafslaxinn, sérstaklega fyrir lax frá Bretlandseyjum og suðurhluta Evrópu. Hið lága hlutfall laxa af íslenskum uppruna kom á óvart og bendir til að íslenskur lax noti önnur beitarsvæði, en einnig eru íslenskir laxastofnar ekki stórir í samanburði við allan laxastofninn í Norður Atlantshafi.
Fyrsti höfundur að þessari grein er Kristinn Ólafsson sem er hluti af doktorsverkefni hans, en frá Veiðimálastofnunar tóku Sigurður Már Einarsson og Sigurður Guðjónsson þátt í verkefninu.
Nánar má lesa sig til um þessa rannsókn hér.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |