Veiða.is mun sjá um sölu í Hvolsá og Staðarhólsá

Veiðifélag Hvolsár og Staðarhólsá í Dölum bauð á dögunum út veiðirétt á starfssvæði félagsins fyrir næstu þrjú sumur. Nokkur tilboð bárust en niðurstaða stjórnar félagsins var hins vegar að taka engu þeirra tilboða.

Þess í stað ákvað veiðifélagið að ganga til samstarfs við veiðivefinn veida.is um sölu veiðileyfa í ánum fyrir sumarið 2016 sem er óháður vettvangur fyrir veiðileyfasala til að nálgast kaupendur veiðileyfa.

Meðalveiði síðustu 10 ár hefur verið um 192 laxar, en síðastliðið sumar veiddust þar 302 laxar. Veitt er á fjórar stangir og er einnig ágætis bleikjuveiði í ánum og hefur meðalveiðin síðustu árin verið í kringum 500 bleikjur.

Árnar falla saman í sameiginlega ós skammt við Saurbæ og er veiðisvæðið samtals rúmir 16 kílómetrar á lengd.

• Blogga um frétt

Seinustu hundraðkallar sumarsins