Úlfarsá (Korpa) skiptir um hendur

Samkvæmt upplýsingum frá Stangveiðifélagi Reykjavíkur mun félagið taka yfir sölu á veiðileyfum í Úlfarsá frá og með sumrinu 2017. Áin hefur einnig oft verið kölluð Korpa þar sem hún rennur að stórum hluti í landi Korpúlfstaða.

Ákvað veiðifélag árinnar í vetur að vera með lokað útboð og var tilboði Stangveiðifélagsins tekið og 5 ára leigusamningur gerður í framhaldi. Áin er jafnan fremur vatnslítil og viðkvæm og nær veiðisvæðið frá Hafravatni og niður að ósi og er um sjö kílómetra langt.  Meðalveiði í gegnum tíðna hefur verið um 200 laxar.  Leyft er að veiða þar á tvær stangir Úlfarsá og er leyft að veiða þar jöfnum höndum á maðk og flugu.  Stangveiðifélagið Hreggnasi hefur um árabil verið leigutaki árinnar.

Má segja að þarna hafi Stangveiðifélagið unnið hálfgerðan varnarsigur því nýverið missti það Leirvogsá sem félagið hafði haft á sínum snærum um áratugaskeið. 

• 1 blogg um fréttina

Bloggað um fréttina

• Kristbjörn Árnason: Áin ber þrjú nöfn og rennur frá Hafravatni um suðursveit …

Seinustu hundraðkallar sumarsins