Fram kemur á vef Veiðikortsins að erlendur veiðimaður hafi fengið risasjóbirting í vatninu Þveit, sem er skammt frá Höfn í Hornafirði.
Greint er frá því að Svisslendingurinn Rene Bärtschi hafi dálæti á því að koma til Íslands og veiða. Hann var við veiðar í hálfan mánuði í júní og veiddi í vötnunum á Austurlandi, Skriðuvatni, Urriðavatni og Þveit, og veiddi vel.
Þann 14. júní var hann við veiðar í Þveit þegar hann fékk boltasjóbirting sem var 95 sm að lengd og er það sennilega stærsti fiskur sem vitað er að hafi veiðst úr vatninu. Rene fékk 10 birtinga til viðbótar sem voru 45 til 65 sm að lengd, en sjógengt er í Þveit í gegnum svokallaðan Þveitarlæk þannig að sjóbirtingur á þangað greiða leið.
Þá kemur fram að fyrir utan þennan risafisk kíkti Rene þrisvar í Skriðuvatn og fékk þar 5 urriða frá 52 upp í 66 sm. Einnig fékk hann 10 bleikjur í Urriðavatni sem voru um 45 sm að lengd.
Rene mun hafa komið til Íslands á hverju sumri frá 2008 og hefur veitt mikið á Austurlandi.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |