Reytingur í Laxárdal

Að sögn Bjarna Höskuldssonar, sem annast urriðasvæðið í Laxárdal, ofan virkjunar í Laxá í Þingeyjarsýslu, er reytingsveiði þar framan af.

Það hefur þó gengið ágætlega hjá þeim sem hafa verið við veiðar en töluvert var óselt í júní og því var nýtingin ekki upp á það besta.

Stærðin á urriðanum er framhald af sumrinu í fyrra og er meðalstærðin að verða ótrúlega mikil frá ári til árs. Sem dæmi um það eru komnir tveir 74 cm á land það sem af er og nokkrir um og yfir 70 cm. Veiðin það sem af er einkennist af púpum, kúluhausum og svo straumflugum. Þurrflugan hefur þó verið að byrja að koma inn nú síðustu daga.

Bjarni sagði að áin væri hrein og fín það sem af er en hann krossi þó fingur og biðji um að ekki verði öflugur þörungablómi í sumar.

• Blogga um frétt

Seinustu hundraðkallar sumarsins