Langadalsá við Ísafjarðardjúp var opnuð síðastliðinn föstudag og þar fór veiði vel af stað.
Fram kemur hjá Stangveiðifélaginu Lax-á að menn hafi verið búnir að sjá talsvert af laxi í ánni löngu fyrir opnun.
Fór svo að opnunin var með þeim betri síðustu ár og fékk fyrsta hollið 13 laxa og auk þess láku níu af. Fram kemur að laxinn hafi verið vel dreifður um ána, fékkst fiskur til að mynda í Iðusteinum og Bolla en mesta lífið var þó í Kirkjubólsfljóti og Túnfljóti.
Þá kom stórfiskur á land þegar Þorleifur Pálsson landaði stærsta laxinum, 102 cm hnausþykkum hæng úr Kirkjubólsfljóti, eftir stranga viðureign.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |