Á hádegi lauk veiði opnunarhollsins á efsta svæðinu í Stóru-Laxá í Hreppum og var áframhald á góðri veiði.
Fram kemur hjá Valgerði Árnadóttur, sem var í hollinu, að samtals hafi 32 löxum verið landað eftir tveggja og hálfs dags veiði, en veitt var einungis á tvær stangir. Laxinn var vel dreifður um svæðið og langmest af honum frá 80 til 93 cm, en stærsti laxinn reyndist 96 cm langur. Eins og gengur sluppu nokkrir stórir eftir talsverða baráttu.
Fram kemur að skilyrði til veiða hafi verið eins og best verður á kosið og í morgun hafi eingöngu verið veitt á yfirborðinu með svokölluðum „hitch“-flugum. Var sex löxum landað og þar á meðal þeim stærsta úr Treg.
Neðri svæðin í ánni verða svo opnuð á morgun.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |