Veiði | mbl | 15.7.2016 | 16:52 | Uppfært 17:23

Þokkalegur gangur í Hofsá

Breskur veiðimaður með 85 cm lax úr Foss II í Hofsá í vikunni sem tók Haug gárutúpu. Sigurður Héðinn

Að sögn Sigurðar Héðins Harðarsonar, oft kennds við Haug og leiðsögumanns við Hofsá í Vopnafirði, er þokkalegur gangur í veiðinni og mun betri veiði en síðasta sumar.

Talsvert mikið af fiski er að ganga og ástandið með allt öðrum hætti en á sama tíma í fyrra, sem var eitt versta veiðisumar í sögu árinnar. Í dag voru komnir 100 laxar á land en á sama tíma í fyrra voru þeir 35.

Að sögn Sigurðar hefur takan þó ekki verið upp á það besta en menn verða varir við talsvert af fiski sem væri nóg til að halda mönnum á tánum. Köld leiðindanorðanátt hefur verið síðustu daga, en nú sé komin sól og mun skaplegra veður sem ætti að fá fiskinn meira á yfirborðið og gefa fyrirheit um betri veiði næstu daga.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
101 cm	Vatnsdalsá	Erlendur veiðimaður	29. september 29.9.
101 cm	Eystri-Rangá	Grzegorz Loszewski	27. september 27.9.
105 cm	Hvítá við Iðu	Katrín Tanja Davíðsdóttir	24. september 24.9.
101 cm	Víðidalsá	Jón Eðvald Halldórsson	22. september 22.9.
107 cm	Grímsá	Jón Jónsson	22. september 22.9.
101 cm	Miðfjarðará	Agnar Sigurjónsson	22. september 22.9.
101 cm	Hvítá við Iðu	Gunnar Pétursson	20. september 20.9.