Veiði | mbl | 15.7.2016 | 20:51 | Uppfært 23:54

Vatn byrjað að renna í Grenlæk

Mynd tekin við Grenlæk í dag og má sjá að vatn er tekið að renna í ánna eins og áður var. Stórifoss á svæði 6 í fjarska. Jón Hrafn Karlsson‎

Árangur virðist strax hafa orðið við það að opnað var fyrir tvö rör í flóðvarnargörðum í Eldhrauni við Skaftá sem Orkustofnun lét loka í vor.

Hörður Davíðsson á Efri-Vík í Skaftárhreppi gafst upp á ráðaleysi yfirvalda varðandi úrlausn málsins og opnaði fyrir rörin í síðustu viku, en bændum og sérfræðingum hafði ekki komið saman um hvernig bregðast ætti við því að Grenlækur og Tungulækur væru að þurrkast upp.

Höfðu þessar þekktu sjóbirtingsár nánast þurrkast upp á um 10 kílómetra svæði á nokkrum vikum, en um er að ræða eitt mesta búsvæði sjóbirtings á Íslandi og hafði fiskur drepist að stórum hluta.

Það var svo í gær sem Orkustofnun gaf leyfi til að veita Skaftá út á Eldhraun og í dag mátti sjá að vatn var byrjað að renna í Grenlæk átta dögum eftir að Hörður opnaði fyrir rörin.

Vekur það upp vonir um að sá sjóbirtingur sem er enn í hafi nái því að koma i haust og hrygna og viðhaldi þannig stofninum.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
101 cm	Vatnsdalsá	Erlendur veiðimaður	29. september 29.9.
101 cm	Eystri-Rangá	Grzegorz Loszewski	27. september 27.9.
105 cm	Hvítá við Iðu	Katrín Tanja Davíðsdóttir	24. september 24.9.
101 cm	Víðidalsá	Jón Eðvald Halldórsson	22. september 22.9.
107 cm	Grímsá	Jón Jónsson	22. september 22.9.
101 cm	Miðfjarðará	Agnar Sigurjónsson	22. september 22.9.
101 cm	Hvítá við Iðu	Gunnar Pétursson	20. september 20.9.