Frábær opnun í Norðlingafljóti

Norðlingafljót opnaði á mánudaginn og þar fór veiði vel af stað enda hafði óvenju mikið af laxi gengið upp í Hafnará þaðan sem laxinn er svo fluttur upp í fljótið.

Norðlingafljót á upptök sín á hálendinu á Arnavatnsheiði og það rennur á milli Hallmundarhrauns og Tungu og sameinast Hvítá skammt ofan við Hraunfossa. Áin er ekki laxgeng og þess vegna er hafbeitarlax sem gengur í Hafnará undir Hafnarfjalli fluttur upp í fljótið 

Að sögn Jóhannesar Sigmarsson, sem heldur utan um veiðileyfi í ánni, þá gekk opnunin frábærlega og 72 laxar veiddust á 4 stangir á tveimur dögum. Mikið var af tveggja ára laxi í afla veiðimanna og sá stærsti var 89 cm.

Mikill lax er að ganga í Hafnará þessa daganna og eru stöðugir flutningar á fiski á milli ánna. Jóhannes sagði að lokum að í dag væri búið að flytja samtals tæplega 400 laxa upp í fljótið.

• Blogga um frétt

Seinustu hundraðkallar sumarsins