Nýjar vikulegar veiðitölur birtust í morgun á vef Landssambands Veiðifélaga og er veiðin misskipt og virðist sem gríðarleg veiði í Rangárþingi haldi veiðitölum á landinu upp.
Nær samantekinni frá 14. til 20. júlí og kemur í ljós að fimm ár hafa þegar farið yfir 1000 laxa markið og er það eins og í síðustu viku.
Ef heildarveiði tíu efstu ánna er lögð saman þá kemur í ljós að það höfðu veiðst alls 11.435 laxar að kvöldi miðvikudags 20 júlí en á einni viku veiddust samanlagt 2347 laxar. Munar þar að mestu um vikuveiði í Rangánum upp á 1012 laxa, 821 í Ytri og 191 í Eystri.
Eftir góða veiði í byrjun veiðitímabilsins hefur sumstaðar hægt verulega á veiði, meðal annars vegna þess að margar ár á Vesturlandi líða fyrir vatnsskort í þeirri þurrkatíð sem hefur verið að undanförnu. Þessu til viðbótar virðist sem smálax sé að skila sér í minna mæli en oft áður.
Samkvæmt upplýsingum ofan úr Borgarfirði þá hefur sáralítill veiði verið í helstum ánum þar síðustu daga og lítið að smálaxi að ganga, til viðbótar við vatnsleysið sem sé að verða alvarlegt. Þá verða menn einnig talsvert varir við fremur litla smálaxa sem gæti bent til einhvers skorts á fæðuslóð þeirra í hafi.
10 aflahæstu árnar eru sem hér segir:
1. Ytri-Rangá 2549
2. Eystri-Rangá 1633
3. Blanda 1492
4. Miðfjarðará 1459
5. Þverá/Kjarrá 1153
6. Haffjarðará 704
6. Langá 623
7. Laxá í Aðaldal 517
8. Víðidalsá 425
9. Elliðaárnar 394
10. Hítará 383
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |