Mikil veiði í Miðfjarðará

Samkvæmt upplýsingum frá Rafni Val Alfreðssyni, leigutaka Miðfjarðarár í Vestur-Húnavatnssýslu, hefur veiðin almennt verið góð þar í sumar en tók kipp svo um munaði loks þegar rigna fór að einhverju ráði.

Mikill lax er að ganga þessa dagana til viðbótar við þann fisk sem þegar er kominn. Öll svæði eru að gefa góða veiði og í rigningunni í gær var 99 löxum landað, allt að 18 punda, á stangirnar tíu.

Síðasta vika gaf rétt um 400 laxa, en nú virðist veiði vera að aukast enn meira í kjölfar rigningarinnar. Um 1.700 laxar eru komnir á land það sem af er.

Sumarið 2015 var metveiði í ánni þegar 6.028 laxar veiddust allt sumarið og er það mesta veiði sem skráð hefur verið í sjálfbærri laxveiðiá á Íslandi.

• Blogga um frétt

Seinustu hundraðkallar sumarsins