Ævintýraleg veiði hefur verið í Ytri-Rangá í sumar og fyrr í dag kom fram hjá leigutökum árinnar að laxi númer 3.000 hefði verið landað þar í morgun.
Sagt er frá því að mikill lax sé í ánni og stórar göngur komi upp á hverju flóði og ekkert lát sé þar á. Hefur áin aldrei svo fljótt náð þessari veiðitölu, en í fyrra, sem var metár, var það ekki fyrr en í annarri viku af ágúst sem hún fór yfir 3.000.
Þá er greint frá því að vinsælasta og þar af leiðandi veiðisælasta flugan sé HKA Sunray, sem gengur einnig undir nafninu Bismo, en þessi útgáfa er sérhönnuð af danska fluguhnýtaranum Henrik Kassow Andersen.
Ytri-Rangá er í algjörum sérflokki á landinu hvað fjölda laxa varðar en þar er veitt á 18 stangir. Talsvert langt er í næstu ár, samkvæmt vikulegum veiðitölum frá Landssambandi veiðifélaga.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |