Að sögn Atla Gunnarssonar, sem annast netalagnir fyrir landi Selfoss við Ölfusá, hefur veiðin í netin í sumar verið „svakalega“ fín.
<span>Þó hafi dregið aðeins úr laxveiðinni síðustu daga, en þeim mun meira af vænum silungi komið í staðinn. Atli sagði að sumarið núna væri mjög svipað og í fyrra sem var fjarskalega gott veiðisumar. Helsti munurinn væri þó að laxinn núna væri almennt vænni en hann var í fyrra. </span> <span> </span> <span>Selfossbændur eru með tvær lagnir, eina neðan við Ölfusárbrúna og aðra við flúðirnar skammt fyrir neðan Selfosskirkju. Heimilt er að leggja net frá klukkan 10:00 á þriðjudögum til klukkan 22:00 föstudaga og þarf að vitja um netin fjórum sinnum á dag þann tíma sem þau eru niðri. Tíu daga frí verður á netaveiðinni í ágúst og svo heldur hún áfram eitthvað fram á haustið.</span> <span> </span> <span>Í samtali við Einar H. Haraldsson á Urriðafossi, sem annast netalagnir neðan við fossinn, kom fram að júlí hefði verið mjög lélegur og lítið af eins árs fiski. Hins vegar hefði júní verið með besta móti og mikið af stórum vænum laxi. Einar sagði að veiðin í ár væri talsvert ólík því sem var í fyrra; þá var léleg veiði framan af í stærri fiskinum en svo varð júlí mjög góður og góðar heimtur á eins árs laxi. Í sumar hefur þetta snúist við og kvaðst Einar hafa netin niðri eins og reglur leyfðu þar til dregið hefði úr göngum síðsumars.</span> <span> </span> <span>Samkvæmt tölum frá Veiðimálastofnun veiddust 1.259 laxar í netin í allri Ölfusá árið 2015 og 3.889 í Þjórsá.</span>Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |