Veiði | mbl | 18.8.2016 | 10:01 | Uppfært 10:55

Vikulegar veiðitölur

Ólafur Ragnar Garðarsson með 99 cm hæng sem hann veiddi í vikunni í veiðistaðnum Laxa í Hofsá í Vopnafirði , en þar hefur veiði almennt verið róleg í sumar.

Nýjar vikulegar veiðitölur um laxveiði á landinu birtust í morgun á vef Landsambands veiðifélaga og nær samantektin frá vikunni 10. til 17. ágúst. Vætutíð síðustu daga virðist hafa lífgað talsvert upp á veiðina sunnan og vestanlands.

Eins og áður þá er Ytri-Rangá efst á listanum gjöfulust allra laxveiðiáa á landinu hvað fjölda veiddra laxa snertir. Þá gengur veiði mjög vel í Miðfjarðará í Húnaþingi og er hún langefst á listanum yfir sjálfbæru veiðiárnar.

Tíu efstu veiðiárnar samkvæmt listanum eru þessar:

Ytri-Rangá 5.467 laxar (vikuveiði 803)
Miðfjarðará 3.005 laxar (vikuveiði 339)
Eystri Rangá 2.627 laxar (vikuveiði 146)
Blanda 2.217 laxar (vikuveiði 189)
Þverá/Kjarrá 1.567 laxar (vikuveiði 98)
Norðurá 1.130 laxar (vikuveiði 91)
Haffjarðará 1.004 laxar (vikuveiði 76)
Langá 963 laxar (vikuveiði 88)
Laxá í Aðaldal 862 laxar (vikuveiði 44)
Laxá í Dölum 801 laxar (vikuveiði 215)

Nánar má kynna sér þessar upplýsingar hér.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
101 cm	Vatnsdalsá	Erlendur veiðimaður	29. september 29.9.
101 cm	Eystri-Rangá	Grzegorz Loszewski	27. september 27.9.
105 cm	Hvítá við Iðu	Katrín Tanja Davíðsdóttir	24. september 24.9.
101 cm	Víðidalsá	Jón Eðvald Halldórsson	22. september 22.9.
107 cm	Grímsá	Jón Jónsson	22. september 22.9.
101 cm	Miðfjarðará	Agnar Sigurjónsson	22. september 22.9.
101 cm	Hvítá við Iðu	Gunnar Pétursson	20. september 20.9.