Þokkalegasta veiði í Ásunum

Natan Theódórsson 11 ára er nú á veiðum í Laxá á Ásum með fjölskyldu sinni og gerði hann sér lítið fyrir í dag og landaði 92 cm hrygnu.

Að sögn föður hans, Theódórs Erlingssonar, setti Natan í hrygnuna stóra á pínulitla flugu númer 16 sem kallast Madelaine í veiðistaðnum Tuma.  Erfiðlega gekk að landa fisknum sem rauk fljótlega niður úr hylnum og var landað löngu síðar um 500 metrum neðar í veiðistaðnum Svartabakka, en hafði áður flækt í kringum mörg grjót á leiðinni.  

Þetta er þó ekki stærsti fiskur sem Natan hefur glímt við þrátt fyrir ungan aldur því fyrr í sumar landaði hann 102 cm laxi í Laxá í Hrútafirði sem þótti með ólíkindum. 

Að sögn Theódórs, sem hefur í mörg ár verið í leiðsögn í Laxá, þá hefur er veiðin verið þokkalega í sumar og rúmlega 500 fiskar komnir á land það sem af er. Veiðin er þó langt í frá í líkingu við veiðina í fyrra þegar rúmlega 1800 laxar veiddust stangirnar tvær. Theodór sagði að fjölskyldan væri komin með sjö laxa á land eftir einn og hálfan dag og allir væru komnir með fiska. 

Theódór Erlingsson

• Blogga um frétt

Seinustu hundraðkallar sumarsins