Vikulegar veiðitölur

Nýjar vikulegar veiðitölur um laxveiði á landinu birtust í morgun á vef Landssambands veiðifélaga og nær samantektin frá vikunni 17. til 24. ágúst. Fremur lélegar heimtur á smálaxi hafa verið í mörgum ám á landinu í sumar.

Þessu til viðbótar hafa þurrkar og miklir hitar gert skilyrði til veiða sérstaklega erfið og á það þátt í því að víðast hvar er veiði fremur dræm. Nokkurra daga vætutíð um miðjan mánuðinn gerði lítið meira en að auka yfirborðsvatn í skamman tíma.

Eins og áður þá er Ytri-Rangá efst á listanum og gjöfulust allra laxveiðiáa á landinu hvað fjölda veiddra laxa snertir. Þá gengur veiði mjög vel í Miðfjarðará í Húnaþingi og er hún langefst á listanum yfir sjálfbæru veiðiárnar. 

Ekki höfðu borist veiðitölur fyrir vikuna úr Laxá í Dölum en þar hefur veiði verið góð í sumar og verður hún sjálfsagt inni á þessum topp tíu lista líka.

Tíu efstu veiðiárnar samkvæmt nýjustu vikutölunum eru þessar:

1. Ytri-Rangá              5.878 laxar (vikuveiði 411)
2. Miðfjarðará             3.287 laxar (vikuveiði 282)
3. Eystri-Rangá            2.696 laxar (vikuveiði 69)
4. Blanda                    2.244 laxar (vikuveiði 27)
5. Þverá/Kjarrá            1.683 laxar (vikuveiði 116)
6. Norðurá                   1.171 laxar (vikuveiði 41)
7. Haffjarðará              1.114 laxar (vikuveiði 74)
8. Langá                      1.033 laxar (vikuveiði 70)
9. Laxá í Aðaldal            904 laxar (vikuveiði 42)
10. Víðidalsá                   810 laxar (vikuveiði 47)

Nánar má kynna sér þessar upplýsingar hér. 

90 cm hængur úr Selstreng 4 sem tók svarta frances númer 16. Hallgrímur H. Gunnarsson

• Blogga um frétt

Seinustu hundraðkallar sumarsins