Laxveiðin fremur róleg í Selfljóti

Samkvæmt upplýsingum frá Veiðifélagi Selfljóti og Gilsár á Fljótsdalshéraði, þá hefur laxveiðin í ánni verið fremur róleg í sumar sé miðað við innkomnar veiðiskýrslum.

Í reynd er um að ræða sömu ána sem fyrst heitir Selfljót frá svokölluðum Unaósi við Héraðsflóa en um 25 kílómetrum ofar heitir áin Gilsá og þar fyrir ofan er jafnan besta laxveiðin á tveimur efstu veiðisvæðum. Skiptist áin í sjö veiðisvæði og veitt á tvær stangir á hverju svæði og hafa síðustu tíu árin veiðst að meðaltali um 60 laxar og 500 silungar.

Samkvæmt innsendum veiðiskýrslum er laxveiðin undir meðallagi og var um miðja síðustu viku búið er að bóka 20 laxa og er meðalþyngd þeirra um þrjú kíló og sem fyrr veiðist hann mest á svæði sex.  Einnig hafa nokkrir laxar komið af svæði þrjú þar sem auk þess hefur verið góð bleikjuveiði í sumar, en lítið hefur veiðst af henni þar síðustu árin. 

Í heildina hafa veiðst um 150 bleikjur og 130 urriðar og var ágústmánuður sérstaklega góður í bleikjunni.  Fram kemur að lítið vatn hefur verið í Selfljótinu síðustu vikur og er það von manna eystra að rigningar síðustu daga hleypi auknu lífi í ána.

• Blogga um frétt

Seinustu hundraðkallar sumarsins